اسمعو بنصيحتي

لا أعرف لماذا الكسل يتغلب علي أو أني فعلا لا أجد وقتا حتى أكتب ما يحدث معي من تطورات فمنذ أن جئت إلى السعودية شعرت بأنني قد ابتعدت كثيرا عن سوريا بصراحة على الرغم من كل شيء كنت قد قلته عن السفر وحلمي بالسفر والعمل خارج سوريا فاني الان اشعر بالندم مع انني اعمل والحمد لله وأموري عال العال ولكني صدقوني ياجماعه لا غنى عن الوطن يعني عم اتخيل حالي بعد عشر او 15 سنة راجع شو بدي اعمل شو بدي اشتغل عفكرة هاد الحكي كنت اسمعو من اللي بيشتغل هون قبل ما سافر بس ركبت راسي و بغمضة عين صرت هون لك نفسيتي تغيرت حاسس حالي بعد سنة ونص كبرت شي 10 سنين بس الله يسامح اللي كان السبب والله انا مشتاااااااااااااااااااااااااااااااااااااااق خلوني قول والله الواحد برا بلده غريب عالقليلي كنت بسوريا ايمت ما حسيت حالي ضجران لاقي شي يفرجلي همي لك هون حتى رفيقك بتحسو للمصلحة لك حتى بالشغل ازا لقيت ابن بلدك بتبعد عنو لان الشي اللي ما ممكن تتخيلوه انو رح يضرك يا رب تمر هالخمس سنين على خير مابدي اكبر و انا بعيد عن حبيبتي سوريا سلام وتحية إلى كل سوري بيرفض فكرة السفر برا البلد